Friday, June 21, 2024

MIA MADRE…

Di Raffaele Pisani
Auguri mamme, vi bacio idealmente le mani, sfioro i vostri visi, accarezzo i vostri capelli bianchi, vi stringo tutte al mio cuore e per voi riscrivo in napoletano la meravigliosa poesia “Mia madre” di Edmondo De Amicis.

 M I A     M A D R E

Niente ha sciupato ‘o tiempo, oj vicchiarella,
niente t’hanno lévato chianto e affanne:
mo tiene sissant’anne
e i’ cchiù te guardo e cchiù me pare bella.

Songo chist’uocchie tuoie na calamita;
tu parle? e ride ‘e gioia chistu core.
Ah, s’io fosse pittore,
te faciarria ritratte tutta ‘a vita!

Te pittarria quanno vicina viene
e io te vaso chella trezza janca,
o quanno triste e stanca
c’’o pizzo a rrisa m’annascunne ‘e ppene.

Ma si cercà putesse a Dio na cosa
nun le cercasse ‘e addeventà Raffaello
p’arritrattà a cciammiello
‘sta faccia toia gentile cchiù ‘e na rosa.

Le cercarria ‘e cagnà cu’ na parola
vita cu’ vita e darte ‘a giuventù,
vederme io viecchio e tu
p’’o sacreficio mio turnà figliola.

Raffaele Pisani
Raffaele Pisanihttp://www.raffaelepisani.it/
Poeta in dialetto napoletano e saggista, Pisani ha pubblicato ben 29 libri.

Related Articles

- Advertisement -spot_img
- Advertisement -spot_img

L'angolo della poesia

- Advertisement -spot_img
- Advertisement -spot_img

Latest Articles