ANNO NUOVO
Al sindaco Gaetano Manfredi –
Levatele ‘o spumante e ‘o panettone
ma ‘o ffuoco no, facitela sfucà!
Napule è stata troppo maldrattata,
a mmezanotte
facitela sparà!
Dint’a stu ffuoco ce sta tutto ‘o chiantol
d”o popolo, nu chianto appassiunato
ca cerca a ll’anno nuovo chellu bene
ca l’anno viecchio nun l’ha rialato!
Ce sta ‘a lusinga ‘e nu dimane nuovo
ca sana tutte ‘e male ‘e ‘sta città!
Ce sta ‘a speranza ‘e nu destino amico…
A mmezanotte
lassatela sfucà!
Raffaele Pisani
