Quattro versi napoletani dedicati alla “mascherina salva vita” e a tutte quelle persone ignoranti e presuntuose (noi napoletani le definiamo “puparuoli”) che non la indossano e mettono in pericolo la nostra e la loro vita!
‘O COVIDDO E ‘A MASCARINA
Attuorno tanta maschere,
ma nun è Carnevale!
Nun è nu juoco, è ‘a guerra
d’’o bene contro ‘o mmale.
Na specie ‘e Vietnamme
addò mpruvvisamente
sponta ‘o nemico e accide…
e tu nun vide niente!
Ma nuje n’arma ‘a tenimmo,
e sì, n’arma sultanto,
propio ‘sta mascarina
ce scanza ‘o campusanto!
Eppure tanta gente
ancora nun s’’a mette,
se crede ch’è immortale,
ce ‘a daje? e isso ‘a jette!
Ma propio chi se crede
ommo putente e forte,
comm’a nu puparuolo
se votte mbracci’’a morte!
Raffaele Pisani