Saturday, February 4, 2023

’A TERRA È MAMMA E VO’ SEMMENTE ‘E PACE!

’A terra cerca
suonne ’e ciardine,
vuole ’e aucelluzze,
abbracce ’e sole.

’A terra cerca
surze d’ammore
e no fràveche ’e bbomme sempe pronte
a purtà attuorno distruzione e morte.

’A terra cerca
vase ’e figliole,
surrise ’e vita,
suone ’e chitarre.

’A terra cerca
carezze d’ommo
e no fierro-spinato ch’annasconne
mìssele cu ’e ttestate nucleare.

’A terra cerca
suspire ’e viole,
nuttate ’e luna,
ricame ’e stelle.

’A terra cerca tutte mane amiche
pe’ nu dimane senza cchiù tragedie.
’A terra è mamma e vo’ semmente ’e pace!

Raffaele Pisani
Raffaele Pisanihttp://www.raffaelepisani.it/
Poeta in dialetto napoletano e saggista, Pisani ha pubblicato ben 29 libri.

Related Articles

- Advertisement -spot_img
- Advertisement -spot_img

L'angolo della poesia

- Advertisement -spot_img
- Advertisement -spot_img

Latest Articles

SPECIAl SALEspot_img